U3F1ZWV6ZTU3MDY1ODc2MDUxNTVfRnJlZTM2MDAyMDg5MTQ2NDg=

هل يستطيع مرضى المراره اتباع نظام عالى الدهون ( كيتو دايت )

كيتوجينيك دايت و مرضي المرارة

.. موضوع مهم توضيحه و فهمه بالذات لما نعرف ان فيه مرضي مرارة بقالهم سنين عايشين علي كيتوجينيك دايت و نجحوا حتي يوقفوا الهجمات المرارية من غير ما يلجأوا للجراحة و ازالة المرارة
.

حصاوي المرارة سببها الأساسي ترسيبات السائل المراري في القنوات المرارية فا بتبدا تكون حصوات تسبب ألم جامد عند انقباض القنوات المرارية بعد الأكل علشان العصارة المرارية تساعد في هضم و امتصاص الدهون...و للأسف ساعتها النصيحة الأولي للطب التقليدي للمريض بتبقي انه يقلل الدهون في أكله..مع الوقت الحصاوي بتزيد بالرغم من تقليل الدهون لحد ما معظم المرضي يضطروا يشيلوا المرارة.

جسمنا فيه وسائل حماية و feedback mechanisms هايلة احنا للأسف بنعطلها بنمط حياتنا.. اللي بيسبب تقل السائل المراري و بطء حركته في القنوات المرارية في البداية هو قلة الدهون في الأكل فا المرارة تقلل افرازاتها و يتخزن معظمها...في حين ان لو الانسان بياكل دهون بكميات معقولة حيبقي فيه حركة مستمرة للسائل المراري اللي حيكون ساعتها أخف في الكثافة و دة بيعمل تنظيف دوري للقنوات المرارية و يمنع تكون الحصوات.

طيب لو مريض مرارة عنده حصوات صغيرة ممكن الدايت يفيده؟ أيوة.. لانه حيعمل حاجتين.. حيساعد الحصوات الصغيرة دي مع انقباض القنوات المستمر و زيادة السائل المراري انها تخرج من القناة للأمعاء دة غير انه حيمنع تكون حصوات جديدة.. بس في الحالة دي ممكن المريض يجيله في البداية مغص مراري متكرر لحد ما كل الحصوات تخرج..

طيب لو المريض في حالة متأخرة و عنده انسداد و لازم يدخل عمليات و يشيل المرارة ممكن يمشي بعدها علي كيتوجينيك دايت علشان يستفيد من فوايده الصحية؟ 

أيوة.. بس لازم يبدأ بكمية دهون قليلة نسبيا في الأول علشان يدي جسمه فرصة يتعود يهضمها..و يبقي متوقع في الأول ان ممكن دة يسببله اسهال بسيط لفترة لان الدهون غير المهضومة حتوصل للأمعاء و مع الوقت القصير حيقدر يعيش عالكيتو بنفس كفاءة الأفراد اللي ماعندهمش مشاكل مرارة.


كل دهون صحية و حافظ علي مرارتك 
ليست هناك تعليقات
إرسال تعليق

إرسال تعليق

الاسمبريد إلكترونيرسالة