القائمة الرئيسية

الصفحات

مرق ديل التور او شوربه العظام طريقه التحضير وفوائدها





مرقة ديل التور أو العضم (bone broth)



من الحاجات المهمة جداً في الكيتوجينيك دايت و علي طول تكون موجودة عندكوا في البيت . تحضيرها سهل جداً و ليها فوايد 

كتير بالذات في أول الدايت:





١- بتقلل الأعراض الإنسحابية بتاعة أول كام يوم ketoflu.

٢- مليانة كل الأملاح اللي بتحتاج تتعوض في الجسم من صوديوم وماغنيسيوم و بوتاسيوم.

٣- الغضاريف اللي في العضم بتدوب مع الشوربة و دي مفيدة للعضلات و المفاصل و الشعر و الجلد .

٤-بتحارب الالتهابات و بتخلي فوايد الكيتوجينيك دايت علي كل أجهزة الجسم تبان أسرع.

الشوربة بتتعمل في الحلة البريستو 'حلة الضغط' و بتتساب في التلاجة أو الفريزر لو كمية كبيرة و تستخدم في الطبخ أو للشرب بين الوجبات زي الشاي.





المقادير

١.٥ كيلو ديل تور (عكاوي) لوحدها أو خلطة عضم مختلفة بغضاريف..ممكن عضم فراخ مع لحمة كمان.
-جزر و كرفس وبصل و توم وورق لاوري و أي توابل تحبي تضيفيها.
-٢معلقة ليمون عصير أو خل و دة مهم علشان نستخلص الأملاح من العضم


الطريقة:

-نحط كل الحاجات دي في البريستو و نغطيها بالمية و نقفل كويس.لما يبدأ البخار يطلع و تعمل صوت نوطي النار و نسيبها ٩٠ دقيقة.

- نصفي الشوربة كويس و نحطها في بايركس مفرود و نسيبها تبرد و بعدين نحطه في التلاجة.
-ننزع اللحمة من العضم و لو العضم لسة فيه غضاريف كويسة ممن نشيله في الفريزر ونزوده عالعضم الجديد لما نعمل شوربة تاني.

- لما المرقة حتبرد حتبقي عاملة زي الجيلي و عليها طبقة دهون..بنشيل الدهون نستخدمها في الطبخ بعد كدة و المرقة نسيبها في التلاجة او نقسمها و نشيل شوية في الفريزر لو كتير.

-ناخد منها للطبخ أو نحط حتة صغيرة في مياة سخنة و نشربها زي الشاي

تعليقات

التنقل السريع