القائمة الرئيسية

الصفحات

مقرمشات كيتو دايت - بديل قراقيش الكيتو



 قراقيش الكيتو

الكثير منا يبحث عن المقرمشات والتسالى تناسب رجيم منخفض الكربوهيدرات نحن بصدد اختراع رائع ومهم جدا لتسالى رجيم الكيتو دايت مقرمشات كيتونيه رائعه منخفضه السعرات والكربوهيدرات تحافظ على حاله الكيتوسيس داخل الجسم لسرعه فقدان الوزن والحفاظ على اتباع رجيم كيتو دايت او رجيم باليو 



مكونات مقرمشات الكيتو دايت 


الوصفة الأصلية بتتطلب: نصف كوب جبنة قريش، تلت تربع كوب دقيق جوز الهند، بيضة، بهارات حسب الرغبة (زعتر أو روزماري ألخ)، رشة ملح، لب أبيض أو لب سوري أو سمسم او أي بذور تحبوها.

أنا استعملت دقيق اللوز بدل دقيق جوز الهند وجبنة كريمي بدل الجبنة القريش لأن ده المتوفر في بيتي.

طريقه عمل مقرمشات الكيتو دايت 

- الطريقة: تضرب الجبنة القريش والبيضة كويس جداً جداً علشان حبيبات الجبنة تختلط كويس مع البيضة. نضيف دقيق جوز الهند ورشة الملح و اي توابل عايزين تضيفوها ونخلط كويس قوي ونسيبه خمس دقائق علشان الدقيق يتشرب السائل.

 بعد كدة نسخن الفرن على ١٨٠ او ١٦٠ (حسب الفرن) المهم تستوي عالهادي والفرن يشتغل من تحت وتحطوا الصينية في أعلى رف. تجيب صينية خبز ونحط ورق زبدة فالصينية (الناحية الناعمة من فوق علشان العجينة ماتلزقش منكم فالورقة) ونحط العجينة فالنص ونغطيها بورقة زبدة تانية (الناحية الناعمة تلامس العجينة علشان الورقة ماتلزقش فالعجينة) ونفرد براحة بأيدينا او بالنشابة لحد ما نخليها السمك اللي تحبوه (رفيع أو سميك زي ما تحبوا). بعد ما تتفرد العجينة تقطعها بالسكينة على الشكل اللي تحبوه (انا قطعتها على شكل مربعات) علشان تسهل عليكم تكسيرها لما تستوي.

 عايزين ترشوا اي بذور عالوش رشوا زي ما تحبوا (انا عجنت سمسم وحبة البركة وبذور اللب السوري في قلب العجينة نفسها). 

بعد كدة تتحط فالفرن لحد ما لونها يكون بني ذهبي. بعد كدة تطفوا الفرن وتسيبوها تكمل سوا فالحرارة. بعد كدة تطلعوها وتكسروها لقراقيش

سعرات مقرمشات الكيتو دايت

  • السعرات: ٣٢٩
  • الدهون الكلية: ٢٧,٧
  • الدهون المشبعة: ١٩ جرام
  • كوليسترول: ١٧٣ مليجرام
  • صوديوم: ٥٣٢ مليجرام
  • كربوهايدرات كلية: ١٤ جرام
  • ألياف: ٤,٥ جرام
  • سكر: ٤,١ جرام (محسوب ضمن الكارب وده سكر طبيعي موجود في مكونات الوصفة)
  • بروتين: ٢٤,٤ جرام
  • كالسيوم من الجبنة: ١٣٥ مليجرام
  • نت كارب لكل الكمية: ٨,٥ جرام
لا نوصي بحساب السعرات الحرارية. تعرف على السبب من هنا .





مقرمشات كيتو عملتها ببذور الشيا وبعد كدة عملت الوصفة تاني بالسمسم وحبة البركة وبذور اللب السوري



مقرمشات كيتو قبل دخول الفرن

دي المقرمشات بعد ما استوت


مقرمشات كيتو بالزعتر



الكمية التانية للمقرمشات الكيتو اللي عملتها بالسمسم وحبة البركة وبذور اللب السوري


مقرمشات كيتو جديده

الكمية التانية للمقرمشات الكيتو بصورة من الجنب علشان اوريكم السمك



قطع مقرمشات كيتو


مقرمشات كيتو وجنبهم جبنة كريمي للتقديم. ممكن تاكلوها بمربى كيتو او بجبنة بيضا الخ



قطعه قراقيش كيتو بالجبن



 الشكل النهائى لمقرمشات الكيتو 


قراقيش كيتو دايت



فى انتظار تعليقاتكم على الوصفه وتقيمها

يمكنك مشاهده جميع وصفات كيتو من خلال الرابط التالى


تعليقات

التنقل السريع