القائمة الرئيسية

الصفحات

عيش كيزر كيتو - بديل الخبز الكايزر فى الكيتو دايت


خبز كايزر كيتو

كثير من الاحيان عن اتباع نظام غذائى مثل رجيم الكيتو دايت لا نستيطع الاستمراريه على النظام بسبب اساسى وهو العيش (الخبز) ولكن يوجد حلول بالتاكيد لهذه المشكله الان نقدم لزوار موقعنا طريقه عمل العيش الكايزر قليل الكربوهيدرات مناسب لنظام الكيتوجينك دايت ويحافظ على حاله الكيتوسيس ويساعدك على فقدان الوزن بسرعه افضل من الانظمه الاخرى .



مكونات عيش - خبز كيتو الكايزر  


الوصفة الأصلية تتطلب ٢٠٠ جرام جبنة قريش، ٤ بيضات وسط، ٥ معالق كبيرة قشور السيليوم، معلقتين شاي بيكينج باودر، معلقتين كبار زبدة (او زيت زيتون أو سمنة)، اعشاب حسب الرغبة (شمر، كمون الخ) رشة ملح، بذور للتزيين حسب الرغبة (سمسم أو حبة البركة ألخ)

انا استعملت جبنة كريمي بدل القريش وشوية دقيق لوز مع السيليوم (ممكن تحطوا شوية دقيق جوز هند لو تحبوا لكن مش كتير علشان الوصفة اساسها سيليوم)


طريقه عمل خبز كيتو الكايزر



  1.  نمزج الجبنة القريش مع البيض كويس جداً جداً جداً علشان حبيبات الجبنة تمتزج كويس، نزود رشة الملح والاعشاب والبيكينج باودر ونمزج، نزود السيليوم تدريجي ونمزج ونسيب الخليط علشان السيليوم يتشرب خمس دقائق. نزود الزبدة ونقلب كويس. العجينة لازم تكون ملمومة بس بتلزق.
  2. هنسخن الفرن على ١٨٠ او ٢٠٠ (حسب الفرن) ونجيب صينية الخبز وتفرش فيها ورق زبدة ولازم الوش الناعم يكون هو اللي هتتحط عليه العجينة. تدهن ورق الزبدة بزيت زيتون او زيت جوز هند او سمنة او زبدة وندهن ايدينا كويس علشان العجينة ماتلزقش. 
  3. نقسم العجينة كرات وناخد كورة كورة ونشكلها ونحط على الصينية وبعد ما نخلص نحط في الفرن من النص والفرن يكون شغال من تحت ونسيب الفرن شغال لحد ما الوش يكون بني وتختبر الخبز من النص بخلة اسنان علشان نعرف استوى ولا لا. نطفي الفرن ونسيب العيش لحد ما الفرن يبرد خالص.


 ملحوظة: طبيعي لو العيش يهبط بعد السوا لأن فيه بيض

ملحوظة تانية: لو البيض فيه رائحه نضيف معلقة شاي او معلقتين خل التفاح وانتوا بتعجنوا قبل ما تضيفوا السيليوم.

سعرات خبز الكيتو 

  • السعرات الحرارية: ٩٠
  • دهون كلية: ٥,١ جرام
  • دهون مشبعة: ٢,٤ جرام
  • كوليسترول: ٩٠ مليجرام
  • صوديوم: ٢٢٦ مليجرام
  • نت كارب: ١,٥ 
  • كارب: ٢,٧
  • ألياف: ١ جرام
  • سكر: ٠,٣ جرام
  • بروتين: ٨,١ جرام
  • كالسيوم: ٤٦ مليجرام



لا نوصي بحساب السعرات الحرارية. تعرف على السبب من هنا .


العيش بعد ما فتحته علشان اوريكم من جوا شكله عامل ازاي 

خبز كايزر كيتونى


فى انتظار تعليقاتكم على الوصفه وتقيمها

يمكنك مشاهده جميع وصفات كيتو من خلال الرابط التالى

تعليقات

التنقل السريع