القائمة الرئيسية

الصفحات

المسموح والممنوع في الكيتو دايت | فوائد واضرار رجيم كيتو



عرضنا اكتر من موضوع قبل كده شرحت فيه معنى كيتو واهميته فى كسر ثبات الوزن 
ويمكنك متابعه المقاله المفصله عن الكيتو دايت كامل من الرابط التالى 



النهارده هديكم شويه امثله لنوعيات الاكل اللى ممكن نستخدمها فى الكلاسيك وكمان تساعد معانا فى كسر حاجز الثبات والنزول يكون معدله كويس باذن الله 


رجيم كيتو المسموح والممنوع



المقال ده مجمع كل حاجة عن الكيتو واتمني الجميع يستفاد .
تم حصر للمواد الغذائية اللي المفروض اي حد هيبدأ الكيتو / كلاسيك هيمشي عليها لمدة شهرين الي ٤ شهور .




ممنوعات و مسموحات الريجيم الكيتوني

ببساطة كدة وبدون تعقيد عاوز تبدأ كيتوجينك دايت
يبقي لازم نعرف مسموحات وممنوعات النظام بتاعنا
وده عشان نقدر اننا نطبق الدايت بشكل صح ونحقق الهدف بتاعنا منه اتباع الدايت
سواء كان الهدف علاج السمنة او علاج سكر نوع تاني او الامراض الاخري اللي بيعالجها الكيتو

 خلينا نبدأ 

ممنوعات رجيم كيتو

الممنوعات في الكيتوجينك:


  1. السكريات بجميع أنواعها سواء عسل ابيض او اسود والسكر ابيض او بني
  2. حتي بعض انواع السكر الدايت (في انواع سكر دايت مسموحة هذكرها بعدين)
  3. الفواكهة والعصائر بجميع أنواعها فيما عدا الافوكادو متاح بشكل يومي وممتاز
  4. والفراوله والحرنكش والتوت بانواعه غير مسموح في البداية وبعد كدة بمقدار 30 جرام مرة اسبوعيا.
  5. جميع انواع الحبوب او الغلة زي القمح والذرة والشعير والارز والشوفان والبرغل والفريك…….
  6. البقوليات زي العدس والفول واللوبيا والفاصوليا والترمس.
  7. جميع انواع المشروبات الغازية العادية التي تحتوي علي سكريات وسعرات عاليه.
  8. اللبن والزبادي واللبن الرايب فيما عدا الزبادي اليوناني وده فى مرحله التثبيت.
  9. الخضروات النشوية وهي الخضروات التي تنمو تحت الارض
  10. زي البطاطس والبطاطا والقلقاس و(الجزر يتم استخدامه بحساب خاصه في البدايه) واللفت والبسله.
  11. جميع انواع المكرونات والأطعمة المصنعة من الدقيق والسكر.
  12. جميع انواع اللحوم المصنعة زي اللانشون والهوت دوج وغيرها
  13.  من المنتجات المضاف اليها منتجات الصويا ودهون مهدرجة.
  14. منتجات الكاتشب طبعاً والصلصات والصوصات الجاهزة
  15. بعض انواع ادوية الشرب المضاف اليها سكر وكذلك معجون الاسنان نختار انواع مستوردة
  16. الزيوت المهدرجة وزيت النخيل.
  17. جميع انواع الجبن المطبوخة واللي مضاف اليها دهون نباتية وزيوت مهدرجة.


 مسموحات نظام الكيتوجينك دايت الغذائي

واللي هنقسمها كالآتي

الدهون والبروتين و الخضروات و سكريات والالبان و الشوكولاته والكثير لنشرحه ونستعرضه تابع معنا 

اللحوم والاسماك المسموحه فى نظام الكيتو دايت


  1. اللحمة المفرومة 
  2.  كبدة بقرى او ضاني 
  3.  كبد وقوانص الطيور والدواجن 
  4. صدور فيليه
  5. اورااااك فراخ 
  6.  شرائح لحم ستيك او قطع كباب او موزة او اي جزء في الدبيحة
  7. قلوب كلاوي /فشة/ كرشة /ممبار /مخ / طحال / لسان / عضم / كوارع .
  8. تونة معلبة في محلول ملحي او زيت زيتون
  9.  .سردين طازج او مملح ومعلب 
  10.  ماكريل 
  11.  سمك فليه
  12. جمبري 
  13.  فسيخ 
  14.  رنجة 
  15. انشوجة
  16.  جندوفلي
  17.  سلمون 
  18. بط 
  19.  وز 
  20.  نعام 
  21. ديك رومي 
  22. لحم ضانى 
  23. حمام 
  24.  لحم ماعز 
  25.  سجق بس يكون مضمون انه مش مضاف عليه حاجة من الممنوعات في النظام
  26. برجر منزلي الصنع .


هل السجق من الجزار او السوبر ماركت مسموح ؟


مسموح لو من جزار مضمون او الاضمن تعملوه في البيت .

هل السلامي والبسطرمة مسموحه فى الكيتو؟


ايوه مسموح بيهم ونشيل الطبقة الخارجية للبسطرمة 
خلى البسطرمة  مرة فالاسبوع 

لانشون اللحم او الفراخ مسموحه فى الكيتو ؟ 


لا طبعا الا في حالة واحدة انك تعمليهم في البيت .

هل اللانشون التركي او المدخن مسموح فى الكيتو ؟


مسموح بس نختار نوع منخفض الكربوهيدرات .

منتجات الالبان المسموحه فى الكيتو دايت 


  • لبن جوز الهند 
  • لبن اللوز
  • قشطة حامضية ساور كريم 



الاجبان المسموحه فى نظام الكيتو دايت 


الشيدر /الايدام / الرومي القديمة / جودة / حلوم / فلامنك / ريكوتا / الجبنة المشللة / الموتزريلا / الريكفورد .

بالنسبة لاسئلة مصادر الالبان :

هل اللبنة المعلبة مسموحه فى الكيتو ؟


ايوه مسموحه بس مش بشكل دائم وفي اضيق الحدود وبشرط تكون قليلة الكارب 
يفضل تمنع الأجبان فى مرحله الكلاسيك

الدهون المسموحه فى نظام الكيتو دايت 


  • زيت زيتون بكر ممتاز عالبارد 
  • زيت جوز الهند / وزيت اللوز 
  • زيت سمسم 
  • زيت بذر الكتان اللي هو الزيت الحار 
  • زبدة بلدي فلاحي من مصدر موثوق فيه 
  • زبدة نيوزيلاندي غير مخلوطة 
  • زبدة انكور 
  • زبدة لورباك 
  • ليه خروف / دهن بيت الكلاوي / سنام جمل .
  • زبدة روتانا بدون ملح 
  • سمن المراعي وشيراتون وفيرن والبقرة الحلوب 
  •  الافوكادو مصدر للدهون 
  • المكسرات المكاديميا وعين الجمل والبندق واللوز وجوز الهند .


الخضروات المسموحه فى نظام الكيتو 


خضروات بدون مشاكل مع نظام الكيتو 

  1.  قرنبيط
  2.  كرومب احمر واخضر 
  3. باذنجان 
  4. بروكلي 
  5. خس 
  6.  جرجير 
  7.  كابوتشا  
  8.  فاصوليا خضراء
  9.  ملوخية 
  10. سبانخ 
  11. ورق عنب
  12. بامية
  13. شبت 
  14. بقدونس 
  15. كزبرة 
  16. سلق 
  17. كرفس 


خضراوات مع الحرص فى الكربوهيدرات: 

  1. كوسة
  2.  فلفل اخضر والوان
  3.  ثوم 
  4.  بصل 
  5.  خيار
  6.  طماطم 
  7. جزر .

يفضل مج خضار جمب الاكل 


بالنسبة لاسئلة مصادر الخضراوات : 

الخضار اللي مع الحرص مسموح به اد ايه ؟ 
الاهم من الكميات هو الاختيار الصحيح اللي هيفيدنا علي مدار اليوم والاختيار الافضل هو الخضار الورقي  لانه هيعوضنا بالبوتاسيوم والمعادن الاخري  والفيتامينات 
السبانخ والملوخية والخس والجرجير .،،،الخ .

اما بالنسبة للخضار اللي المفروض ناخد بالنا واحنا بنستعمله البصل والتوم والفلفل والطماطم والخيار والباذنجان والكوسة والبامية والفاصوليا الافضل نحسبهم علي تطبيق زي ماي فيتنس بال او فات سيكريت .
وبقول تاني الافضل ناخد الكارب من الخضار الورقي .

الشوربه والمرقه المسموحه فى نظام الكيتو 


  1. شوربة العضم اهمهم 
  2. شوربة كوارع 
  3. فراخ 
  4. بط 
  5. لحمة 
  6. جمبري 
  7. سي فود معمولة في المنزل 
  8. شوربة خضار من المسموح
  9. شوربة جندوفلي 

مكن اضافة المشروم لاي نوع شوربة .


 المخللات المسموحه فى نظام الكيتو 



  1. خيار مخلل 
  2.  زيتون اخضر واسود 
  3.  مخلل قرنبيط .
  4. مخلل فلفل واحدة يوميا 
  5. مخلل ليمون واحده  يوميا 


شرب ميه المخلل مسموح بس يكون منزلي وضامنين ان مش حاطين سكر في ميته عشان يستوي نقطة خلوا بالكم منها .
اشربوا كوب في اليوم في ناس بتفضلها عن الملح  وهي فعلا ممتازة وغنية بالصوديوم.

في ناس ممكن تسأل عن احتباس الماء في الجسم وخايفة تشرب ميه مخلل . 

احتباس الماء في الجسم مالوش علاقة بزيادة الصوديوم طول ما الانسولين منخفض بس ممكن يكون له علاقة بالخلايا الدهنية لانها لما بتفضي بتتملي مياه وبعد فترة ومع الالتزام بالدايت بتفضي المياة دي لوحدها ، وهنا بيكون مرحلة ثبات الوزن علي الميزان اللي بتقلق الناس ولو فهموا انالخلايا هتفضي من الماء بالالتزام هيطمنوا .

ما هى الكميه اللازمه من الملح فى نظام الكيتو 


الكميات المطلوبة للجسم من الصوديوم من ٣٠٠٠ الي ٥٠٠٠ ملجم يوميا وهي دي الكمية المطلوبة لوظائف الجسم والباقي بيخرج عن طريق اليورين .

الصلصات والصوص المسموح فى الكيتو دايت 


  • مسطردة خام /طحينة سمسم ١٠٠٪ 
  •  صلصة طماطم منزلية .


بما ان الكارب بتاعهم عالي فيفضل عدم استخدامهم يوميا 

هل المايونيز مسموح في الكيتو الكلاسيك ؟

 لا غير مستحب في هذه المرحلة .


الخل العادي مسموح بس مش هيعطينا نفس فايدة خل التفاح العضوي ببكتيريا الام .


 البذور المسموحه فى الكيتو دايت 


  1. بذور الشيا
  2. بذر الكتان
  3.  قشور السيليوم .
  4. بذر عباد الشمس او اللب السوري مسموح كمشة يد منه ومش يوميا .


  المواد المطحونة والشيكولاتة المسموحه فى الكيتو دايت


  1. كاكاو خام
  2.  هيرشي اودريم .
  3. شيكولاتة دارك ٨٥ فيما فوق .


دقيق اللوز ودقيق جوز الهند ودول مش مسموح بيهم في الكلاسيك


ملاحظات سريعه 

  • معادلة بسيطة عايز تخس امشي كلاسيك ( بيض سمك فراخ لحمة  زيت زيتون دهن حيواني زبدة طبيعية خضار ورقي من غير وصفات وحبشتكنات  هتخس وتبقي فله.
  • عاوز تمشي علي الكيتو كالايف ستايل دخل الوصفات والدقيق والجبنة والكريمة والقشطة  والمكسرات .  الخ


هل البكينج بودر مسموح فى نظام الكيتو دايت؟


مش مسموح في الكلاسيك لان فيه نشا نسبة بسيطة عموما هو مش بيخرجنا من الكيتو لاننا بنستعمل منه حاجة بسيطة .
البيكنج صودا مسموحة 
الفانيليا البودر والا السائلة ؟ الاتنين مسموحين بشرط مايكونش فيهم نسبة سكر تخرجنا من الكيتو لازم نراجع المكونات عند الشراء .


البهارات المسموحه فى الكيتو دايت 

  • فلفل
  •  شطة
  •  قرفة
  •  كركم
  •  جنزبيل 
  • كمون
  •  كاري 


هل الزعتر مسموح فى نظام الكيتو دايت؟


 ال ١٠٠ جرام زعترالناشف فيهم ٦٠ جرام كارب منهم ٤٠ جرام فايبر وحوالي ١٠ جرام فات وزيهم بروتين ومصدر ممتاز لفيتامين K .

اما ال ١٠٠ جرام من الزعتر الفريش فيهم ٢٠ جرام كارب منهم ١٠ جرام فايبر تقريبا لازم نحسب الماكروز أو ناخد كميه قليله منه
بودرة التوم والبصل غير مسموحين لان الكارب والسكر اللى فيهم مركزين بسبب عمليه التجفيف والطحن
الريحان مسموح جدا لان ال ١٠٠ جرام فيهم ٢.٧ كارب منهم ١.٥ فايبر 
عموما مسموح معلقه صغيرة من كل البهارات عالاكل وليس من كل نوع بنفسه 


المشروبات المسموحه نظام الكيتو دايت 


  1. شاى احمر او اخضر او نكهات 
  2. البن الخام بجميع أنواعه 
  3. القهوة التركى والعربى 
  4. الاسبريسو 
  5.  نسكافيه كلاسيك 
  6.  نسكافيه جولد بكافيين وبدون 


المحليات والسكر البديل المسموح فى نظام الكيتو دايت 


  1. سكر ستيفيا 
  2. سويت اند سليم
  3.  سويتال 
  4. الإريثريتول
  5. الزيلوتول
  6. المونك فروت
  7. السوكرالوز

أي من هذه الأنواع على شكل أقراص مش معانا

نقلل على قد ما نقدر من المحليات أو تمنعها لو عرفنا عشان ميحصلش كريفنج (الاشتياق السكريات )
المشروبات العشبيه معانا بدون سكر 
زى الكركديه / ينسون / نعناع / زعتر / بردقوش 


ويارب تكونوا استفدتو 👍👍💪


فى انتظار تعليقاتكم على الوصفه وتقيمها

يمكنك مشاهده جميع وصفات كيتو من خلال الرابط التالى


تعليقات

التنقل السريع