القائمة الرئيسية

الصفحات

طريقه عمل خبز كيتو - فته كيتو دايت بالارز والعيش

طريقه عمل فته كيتو

عيش بالبصل ، فتة كيتو!


عيش من غير جبنة أو بيض وبدقيق جوز الهند ودقيق السمسم وطعمه زي البصل المكرمل. أنا قلت أجربه مع الفتة علشان فكرت طعم البصل هيمشي مع الفتة وفعلاً الطعم ظبط مع الفتة جداً منخض الكربوهيدات مناسب ل رجيم الكيتو بامتياز ومن الاطعمه المسموح بها بنظام الكيتوجينك دايت  ويحافظ على حاله الكيتوسيس داخل الجسم لسرعه فقدان الوزن 


مكونات خبز (عيش) الكيتو 



  • ٨٠ جم بصل مشوي ( بصلتين وسط)
  • ١/٢كوب دقيق جوز الهند
  • ١/٤ كوب دقيق السمسم
  • رشة ملح
  • ٢ ملعقة كبيرة زيت زيتون
  • ملعقة كبيرة قشور سيليوم ممكن استبدالها بملعقتين جوز الهند أو سمسم
  • ملعقة صغيرة بيكينج باودر

لا نوصي بحساب السعرات الحرارية. تعرف على السبب من هنا .

طريقه عمل خبز كيتو 

الطريقه


  1.  تشوى البصل مباشرة على نار البوتجاز وبعد كدة قشرته وغسلته كويس ونشفته. أنا ماحبتش أعمل كدة، فغلفت البصلتين في ورق فويل وشويتهم في الفرن على ٢٥٠ درجة لمدة ساعة علشان اتأكد انهم استوا كويس جداً.
  2.  البصل استوى، قشرته وضربته في الكبة مع زيت الزيتون والملح  بقى زي البطاطس البيوريه وبعد كدة حطيته في بولة وحطيت عليه البيكينج باودر ودقيق السمسم وجوز الهند والسيليوم وقلبتهم كويس جدا وسبت الخليط ٥ دقايق حينها السيليوم وجوز الهند يتشربوا السوايل عندها الخليط يكون عجينة لينة
  3. بعد كدة جبت صينية الخبز وفرشت فيها ورق زبدة وفردت العجينة وحاولت اخليها مفرودة بشكل متساوي ودي نقطة مهمة علشان الجزء الرفيع هيتحرق بسرعة مهم أنهم تقطعوا العجينة بالسكينة قبل الخبز. وبعد كدة حطيت الصينية في الفرن من فوق وولعت الفرن من تحت على ١٨٠ من ١٠ لـ ١٥ دقيقة -  لونها يكون دهبي والعيش هيكون طري وجميل جداً.
  4. بعد كدة انا حطيته تاني فالفرن علشان يتحمص علشان اكسره زي العيش العادي للفتة، وعملت باقي مكونات الفتة الكيتو
  5. بالنسبة للفتة الكيتو، أنا هنا بشتري رز شيراتاكي (معروف برضو برز الكونجاكو أو miracle rice) للأسف ماعرفش متوفر في مصر ولا لا. بديله هيبقى قرنبيط مبشور أو مضروب في الكبة علشان يكون في حجم الرز المصري ويتشوح على النار لحين يستوي والماية اللي فيه تتبخر. وطبعاً شوربة العضم معانا، أنا مش عندي وللأسف ماعرفتش اروح للجزار الفترة اللي فاتت فأشتريت شوربة عضم الدجاج كبديل، وعملت الفتة بالطريقة المصري المعروفة.
  6. بالنسبة لطعم العيش علشان معمول بالبصل وكدة، طعمه شبه طعم بصل الكشري المكرمل. ، طعمه شبه طعم المسخن. أنا بالنسبالي بحب طعم البصل المكرمل قوي، فالوصفة دي عجبتني وتعتبر اقتصادية بالنسبالي لأن منتجات الألبان والجبنة هنا غالية.
الكيتو دايت: دليل المبتدئين للتنحيف والتخسيس


تابع الصور

بالصور خبز كيتو للفته 


البصل فى الفرن للشوى

بصل فته كيتو


 استوى. ده بصل ابيض

بصل ابيض كيتو

 قشرتهم

بصل مقشر لخبز الكيتو

ضربت البصل في الكبة وقوامه زي البطاطس البيوريه

عيش كيتو بالبصل للفته

 فردتها في صينية الفرن

فرد خبز الكيتو


اتخبزت


طريقه عمل الخبز الكيتو


العيش بعد ان تم تحميصه 

عيش فته كيتو محمصه


عيش مكسر للفته الكيتونيه 

خبز فته كيتو مكسر



  سقيت العيش شوربة وصلصة

عيش كيتو جاهز للفته


ده رز الشيراتاكي المعروف ب ارز الكونجاك و miracle rice

ده رز الشيراتاكي

ارز الكيتو بعد الاستواء 

ارز كيتو مستوى



صلصه كيتو طماطم بالخل والتوم العاديه
صلصه كيتو طماطم بالخل والتوم العاديه

شوربه كيتو تم استعمالها ويمكنك استعمال شوربه عاديه


شوربه كيتو دجاج جاهزه


النتيجه النهائيه 


عمل فته كيتو


 فى انتظار تعليقاتكم على الوصفه وتقيمها

يمكنك مشاهده جميع وصفات كيتو من خلال الرابط التالى

وصفات كيتو



تعليقات

التنقل السريع